نبی ﷺ ہمارے ، نبی ﷺ ہمارے نبی ﷺ ہمارے ، نبی ﷺ ہمارے| Nabi (p.b.u.h) humare nabi humare

 

نعت رسول مقبول صلی اللہ علیہ وسلم

نبی ہمارے ، نبی ہمارے 

وہ حق کی باتیں بتانے والے 

وہ سیدھا رستہ دکھانے والے

وہ رہبر راہنما ہمارے

نبی ﷺ ہمارے ، نبی ﷺ ہمارے

درودِ اُن پر سلام اّن پر

بلند نبیوں میں نام اُن کا

فلک سے اُونچا مقام اُن کا

ہمارے ہادی خدا کے پیارے 

نبی ﷺ ہمارے ، نبی ﷺ ہمارے

درودِ اُن پر سلام اّن پر

اُنھی کی خاطر دَمَک رہے ہیں

اُنھی کی خاطر چَمَک رہے ہیں

زمیں کے ذرّے فلک کے تارے

نبی ﷺ ہمارے ، نبی ﷺ ہمارے

درودِ اُن پر سلام اّن پر

اُنھی کے سرکار کے گَدا ہیں 

اُنھی کے دربار کے گَدا ہیں

جہاں کے یہ تاج دار سارے

نبی ﷺ ہمارے ، نبی ﷺ ہمارے

درودِ اُن پر سلام اّن پر

( صوفی غلام مصطفیٰ تبسُّمؔ )